Katalizator nədir?

Avtomobillərdə mühərrik və səsboğucu arasında yerləşən katalizatorun məqsədi avtomobil işə salındıqdan sonra mühərrik tərəfindən istehsal olunan zəhərli qazları udaraq havaya daha təmiz tüstü çıxarmaqdır. Maşın katalizatorları müasir avtomobillərdə ətraf mühitin qorunması üçün mühüm bir rola sahibdir. Onlar avtomobilin qazçıxma sisteminə (egzoz sisteminə) inteqrasiya edilərək zərərli qazların atmosferə buraxılmasını azaldır. Maşın katalizatorunun nə olduğunu, necə işlədiyini və əhəmiyyətini bilmək istəyirsinizsə, Hisseler.az saytında təqdim olunan bu məqaləni oxumağınız məsləhətdir.
Katalizatorun içərisində xüsusi örtüklü keramika və ya metal hissəciklər var. Bu hissəciklər üzərində platin, palladium və rodium kimi qiymətli metallar yerləşir. Mühərrikdən çıxan zərərli qazlar bu qurğuya daxil olduqda, bu metallar qazlarla reaksiyaya girərək onları daha az zərərli maddələrə çevirir.
Katalizatorlar ətraf mühitin qorunmasında mühüm rol oynayır. Bu, xüsusilə böyük şəhərlərdə hava keyfiyyətinin yaxşılaşdırılmasına kömək edir. katalizator
mühərrikin daha səmərəli işləməsinə kömək edərək yanacaq sərfiyyatını azalda bilər. Bu da sizin üçün əlavə qənaət deməkdir.
Katalizatorlar mühərrikin işini optimallaşdıraraq avtomobilin performansını və sürətlənməsini yaxşılaşdıra bilər. Bir çox ölkədə avtomobillərdə bu qurğunun olması məcburidir.
Katalizatorda baş verən nasazlıqlar bunlardır: içindəki katalizatorun tıxanması və ya donması; katalitik konvektorda yerləşdirilmiş pətəkli çininin çatlaması və ya tam qırılması; katalizatorda olan kimyəvi maddələrin xassələrini itirməsi nəticəsində katalizatorun öz vəzifəsini yerinə yetirməməsi.
Katalizatorun düzgün işləməsi üçün ona müntəzəm qulluq vacibdir. Onun ömrü adətən 100,000 kilometrə qədərdir, lakin düzgün qulluq və təmir ilə bu müddət artırıla bilər. Mühərrikdə yaranan problemlər və yanma prosesindəki qüsurlar bu cihazln işini poza bilər, buna görə də avtomobilin müntəzəm olaraq yoxlanması vacibdir. Katalizatorun quraşdırılması və dəyişdirilməsi müəyyən texniki bilik tələb edir. Bu proses adətən avtomobil servislərində həyata keçirilir.