Azelow nədir?
Azelow Azərbaycana məxsus avtomobil tuninq stilidir. Hisseler.az saytı bu məqalədə sizə Azelow haqqında məlumat təqdim edir.
AZELOW sözünün anlamı belədir. AZE Azərbaycan, LOW ingilis dilindən tərcümədə aşağı deməkdir. Bu stildə avtomobillər digər maşınlardan seçilirlər. Bu stil üçün LADA və VAZ avtomobilləri istifadə olunurdu.
AZELOW stilinə arxa purjinləri kəsib avtomobilinin arxasını aşağı salmaqla nail olurdular. Bu avtomobillərdə sonradan qoyulma çox böyük səs gücləndiriciləri olurdu. Xüsusən, sürüş zamanı həmin səs gücləndircilərinə uyğun mahnılar seçilirdi.
AZELOW stilini sevməyənlər də var idi. İnsanlar Azelow stilini sürücülər bu avtomobilləri təhlükəli idarə etdikləri üçün sevmirdilər. Amma avtomobilin sırf vizual gözəlliyi və retro ab-havası saçdığı üçün Azərbaycanda bu stil çox sevilirdi.
AZELOW stilinə daha çox VAZ07 maşınlarında rast gəlinirdi. Rusiya və digər ölkələrdə də sonradan bu stil tətbiq olunmağa başlanıldı. AZELOW həvəskarları maşınlarını fərqləndirərək seçilirlər.