Hansı mühərrik daha etibarlıdır?
Mühərrik avtomobildə əsas və ən bahalı qurğudur. Və maşının çox xərc tələb edib-etməməsi əsasən onun etibarlılığından, keyfiyyətindən asılıdır. Bundan xəbərdar olmaq xüsusən "ikinci əl" avtomobil sahibi olmaq istəyənlər üçün daha aktualdır. Çünki mühərriklər zəmanət müddəti bitəndən sonra özünə diqqət tələb etməyə başlayır. Bəs hansı mühərrik daha etibarlı və uzunömürlüdür?
2.0 L həcmində olan səkkiz atmosferli yanacaq mühərriklərini müqayisə etdik.
5-ci yer: Renault-Nissan
Renault-Nissan konsernin M4R/ MR20 fəslinin mühərrikləri yapon krossoverlərinə görə daha çox tanınır. "X-Trail"in öncəki nəsili MR20 motorları ilə təchiz edilirdi, "Qashqai" isə indiyədək ondan ayrılmayıb. Markanın fransız analoqu "Meqa" isə onun üçüncü nəslində dayanıb. "Qardaş" mühərriklərin yürüş imkanı 180.000-200.000 km təşkil edir. Hissələrin keyfiyyəti, yaxın rəqibləri olan "Ford" və "Mazda" mühərrikləri ilə müqayisədə daha yaxşı olsa da, zəif məqamları da yox deyildir. Bəzən dirsək vallarının boyuncuqlarında çatlar əmələ gəlir və dördüncü silindrin forması deyişir. QRM-in uzunömürlü olmayan zəncirləri artıq 80.000 km-dən sonra dartılır.
Adətən, tam təmir ölçüləri nəzərdə tutulmur. Orijinal ehtiyyat hissələrini isə ayrı-ayrılıqda tapmaq mümkündür. Əsaslı təmir xərcinə görə "Ford"/"Mazda" cütlüyü ilə yanaşı qoyula bilər.
4-cü yer: "Mitsubishi"
4B11 seriyasından olan "Mistsubishi" mühərriki ciddi problemləri olmayan motor sayıla bilir. Əvvəllər onu ötən nəslin "Outlanderi" və ilk buraxılış X "Lancer"ə də quraşdırırdılar.
Mühərrikin yürüş gücü - 180.000-200.000 km-dir. Hissələrinin istehsal keyfiyyəti yaxşıdır. Motorun ümümi etibarlılığı sadə konstruksiyanın problemsiz sistemi ilə seçilir. Unutmayaq, adətən mühərriklər silindr-porşen aşınması səbəbindən təmirə gedirlər.
"Mitsubishi"lərin motoru təmir ölçüsünə malikdir. Ayrı-ayrılıqda ehtiyyat hissələrini əldə etmək mümkündür. Bu mühərrik bərpasının qiymətinə görə "Renault", "Nissan", "Ford" və "Mazda" mühərrikləri ilə eynidir.
3-cü yer: "Honda"
R20 seriyalı "Honda" mühərriki, üstünlüyü "Accord"un yeddinci, səkkizinci və CR-V-nin son iki nəslinə verib. Yürüş gücü təxminən 200.000 km təşkil edir. Hissələrin istehsal keyfiyyəti "Mitsubishi" motorundan bir qədər yüksəkdir. R20 konstruksiyası etibarlıdır və konstruktiv olaraq sadədir. Qapaqların nizamlanmasının sadə "vint-qayka" sxemi xüsusi seçim və təkanverici qapaqlar tələb etmir. İdarəetmə və nəzarət qaydalarına əməl olunduqda (hər 45.000 km) R20 silindr-porşen təbii aşınmadan başqa problem yaratmır.
Mühərrik üçün təmir ölçüləri müəyyən olunmayıb. "Honda" mühərrik hissələrinin qiyməti ucuz deyil və bu səbəbdən əsaslı təmir yapon altqruplarında ən bahalılardan hesab edilir.
2-ci yer: "Toyota"
1-AZ seriyasından olan "Toyota" özünü yaxşı tövsiyə edib. Buna ikinci nəsil "Avensisa" və RAV4 krossoverinin sondan əvvəlki nəsilini də misal göstərmək olar. Yürüş gücü 200.000 km-dir. Hissələrin istehsal keyfiyyəti çox yaxşıdır. Belə göstəricilərinə görə iki məlum lider var: "Toyota" və "Subaru". 1-AZ mühərriki "Honda"nın R20 motorunu qabaqlayır və orijinal hissələrinin qiyməti ucuzlar siyahısındadır. Reytinqimizdə 1-AZ motorunun bərpasının qiyməti isə ən aşağıdır.
1-ci yer: "Subaru"
Motor biliciləri "Subaru"nun 1990-cı ildəki EJ20 seriyasının mühərrikinin ən etibarlı və uzunömürlü olduğunu qeyd edirlər. Onu bu günədək yapon bazarı üçün nəzərdə tutulmuş müəyyən modellərdə quraşdırırlar. Avropada isə "Subaru"nun məlum nəslini təmsil edən maşınların populyarlığı 2011-ci ildə sona yetdi.
Son yayilmış EJ20 mühərriklə "Subaru" markasının 3-cü nəsil - "Forester"i də təchiz olunur. Yürüş gücü 250.000 km-dir. Hissələrin istehsal keyfiyyəti "Toyota" 1-AZ-da olduğu kimi yüksəkdir. Və bundan əlavə EJ20-nin daha bir üstünlüyü var. Bu bizim siyahıda olan nadir mühərriklərdən biridir ki, onun üçün bir zavod təmirli ölçü nəzərəd tutulub. Əslində belə özəllik 2000-ci ilin əvəllərinə təsadüf edən mühərriklər üçün nadir haldır. Lakin "Subaru" motorunun da bir mənfi cəhəti var. Orijinal ehtiyyat hissələri baha, analoqları isə azdır.
