Avtomobildə kondisioner işlədən hər kəs üçün VACİB MƏLUMAT

Havaların soyuması ilə sürücülər avtomobillərində kondisionerləri qış rejimində istifadə etməyə başlayıblar. Əksər hallarda fəsil dəyişdikdə kondisonerin qış rejimində işləməsində problemlər yaranır.
Yay aylarında kondisioner ancaq soyuq rejimində çalışdığından, qış rejiminə keçdikdə sürücülər bir sıra problemlərlə qarşılaşırlar. Avtomobil ustaları vaxtında müdaxilə olunmasa, bu problemin sürücüləri böyük xərcə sala biləcəyini deyirlər. Avtomobil kondisionerinin hava kanallarından biri isti, digəri isə soyuq hava üfürür. Havaların soyuması ilə əksər sürücülər bu problemlə qarşılaşırlar.
Sürücülər deyirlər ki, əksər hallarda fəsil dəyişdikdə kondisonerin qış rejimində işləməsində problemlər yaranır. Xüsusilə də uzun müddət soyuq rejimdə işləyən kondisioneri qış rejiminə keçirdikdə isti hava əvəzinə soyuq hava üfürür.
Bu problemin əsas səbəbi kondisionerdə olan boruların tutulmasıdır ki, bu da vaxtında aradan qaldırılmasa, sürücünü daha çox xərcə sala bilər. Bu problemlə qarşılaşan sürücülər üçün müvəqqəti çıxış yolu da var. Ustalar onu da deyirlər ki, ümumiyyətlə, belə problemlə qarşılaşmamaq üçün avtomobilin antifriz adlanan mayesini vaxtında dəyişmək lazımdır. Bundan əlavə, ayda bir dəfə bir neçə dəqiqəlik qış aylarında kondisioneri yay rejimində, yay aylarında isə əksinə, qış rejimində işlətmək tövsiyə olunur.