İkinci əl avtomobilin ehtiyat hissələri

Bir çox avtomobil sahibləri avtomobillərində ciddi problemlər olarsa, o zaman avtomobilin hissələrini avtomobil təmiri ilə məşğul olan şəxslərə satırlar. Belə ehtiyat hissələrinin üzərində işlənilir, yenilənərək "ikinci əl avtomobil ehtiyat hissələri" və ya "təmir edilmiş ehtiyat hissələri" adı ilə müştərilərə təklif edilir. Lakin belə ehtiyat hissələrin nə qədər etibarlı və keyfiyyətli olması ilə bağlı məlumat yoxdur. Ehtiyat hissələrinin qiymətlərini müqayisə edəndə də görünür ki, ikinci əl avtomobillərin hissələrini ehtiyat hissəsi olaraq almaq daha sərfəlidir. Amma hər nə qədər qiyməti münasib olsa da, yenilənmiş hissələri ehtiyat hissəsi olaraq almaq məsləhət edilmir.
Bu məsələdə diqqət edilməsi mühüm olan bir məsələ də ikinci əl avtomobilin hissələri ilə ayrılmış ehtiyat hissələr arasındakı fərqdir. Ayrılmış ehtiyat hissələr heç vaxt istifadə edilməmiş, ya da çox az istifadə edilmiş və ya təmir olunmadığı üçün öz orijinallığını qoruyub saxlamış ola bilər. Amma ikinci əl avtomobillərin ehtiyat hissələrində bu, belə deyil. Ona görə də ehtiyat hissəsi alarkən daha ətraflı araşdırma edib ən doğru olan ehtiyat hissəsini almaq lazımdır.
Ayrılmış ehtiyat hissələr
Ayrılmış ehtiyat hissələr zədələnmiş hər hansısa avtomobildən çıxarılan hissələrin eyni markalı avtomobildə istifadə edilən ehtiyat hissələr adlanır. Məsələn, qəza nəticəsində müəyyən hissələri əzilmiş Toyota RAV4 avtomobilinin yan güzgüsünü çıxarıb eyni markalı başqa avtomobildə istifadə etsək, o zaman bu yan güzgü ayrılmış ehtiyat hissə adlanacaq. Bəzi sürücülər orijinal olması ilə yanaşı qiymnətinin də münasib olmasını nəzərə alaraq belə ehtiyat hissələrdən istifadə edirlər. Görüntü olaraq belə ehtiyat hissələri ilə avtomobilə uyğun olsa da, həmin ehtiyat hissədə mikro çatlar və ya bu tərz başqa problemlər ola bilər. Bu isə avtomobilə gələcəkdə təmirinə daha da çox xərc tələb edəcək fəsadlar törədə bilər.