Avtomobil köhnəldikcə gücü aşağı düşür - SƏBƏBİ

Avtomobil köhnəldikcə gücü aşağı düşür - SƏBƏBİMotor gücü avtomobilin daha uzun müddət istifadəsi üçün lazımdır. Buna görə motor gücü azalması səbəblərini sizlər üçün bir yerə topladıq.
Motorun gücü düşdükcə yanacaq sərfiyyatı artır. Düz yolda güc normaldır, ancaq yoxuş çıxdıqda zəifləyir? Bu hal daha çox tutulmuş yanacaq filterindən olur. Belə olanda avtomobilə lazım olan yanacağın göndərilə bilməsi üçün yanacaq nasosu daha çox işləməyə başlayır. Çünki motor gücdən düşdüyünü daha çox yoxuş çıxanda bildirir. Motor yetəri qədər güc əldə edə bilməyəndə sürücünü narahat edən güc problemini büruzə verir. Bunun da 2 səbəbi var: mexaniki problem və sürücünün yalnış istifadəsi nəticəsində yaranan problem.
Sürücünün yalnış istifadəsi
Hər dəfə başqa yerdən yanacaq tökən zaman problem yarana bilir. Səbəbi isə YDM dəyərlərinin fərqli olmasıdır. Sürücü bunu hiss etdikdə bəyənmədiyi yanacağı bitirdikdən sonra əvvəlki məntəqədən yeni yanacaq tökdükdə problem aradan qalxırsa, problemin yanacaqdan olduğunu başa düşə bilir. Tək yanacaqla yox, həmçinin avtomobilin periodik baxımlarının uzadılması ilə də bu hal baş verə bilər. Gec dəyişilən yağ, yağ filteri, hava filteri, ömrünü bitirmiş şamlar (sveçalar), yanacaq nasosu, benzin filteri və s.
Mexaniki problemlər
Avtomobilin yaşını və yürüş km-ni nəzərə alsaq, mufta sistemi daha tez aşınan hissələr sırasında durur. Bu aşınmalar motoru gücdən salaraq yanacaq sərfiyyatını da artırır. Bunun nasaz olmasını belə yoxlaya bilərik: yoxuş yuxarı qaza basdığınız zaman motor qışqırır, ancaq sürəti zəif yığırsa, bu halda mufta ötürücü sistemində nasazlıq var deməkdir. Digər mexaniki problemlər isə bobinin nasazlaması, orijinal olmayan ucuz şamlar (sveça), şamların kabelləri kimi hissələrin problemli işləməsi gücün düşməsinə gətirib çıxarır. Çünki şam kabellərindən yüksək gərginlik keçir və sıralı şəkildə işləyir, əgər kabellər çölə ötürmə versə motor boğular. Eyni şəkildə yanmanı təmin edən şam dırnaqları elektroddan ibarət olduğu üçün işləndikcə əriyir və düzgün şəkildə alışma təmin etmir, beləliklə motor yenə boğular, çox yanacaq istifadə edər və gücü zəifləyər.
Karbüratorlu motorlarda bu problemi karbürator kirlənməsi, kanalların tutulması, hava girişinin kirli olması, injektor motorlarda isə hava-yanacaq yanmasını təmin edən sensorların xarab olması, motorun yanacağı sıxışdıra bilməməsi yarada bilir. Problem ortaya çıxanda sürətlər panelində nasazlıq səbəbinin işığı yansa da, bəzi işbazlar maşını satan zaman həmin işığın üstünü örtdüyü və ya birbaşa lampasını sökdüyü üçün bildiriş işığını görmürsünüz.
Yanacaq filteri vaxt keçdikcə yanacaq çənindən gələn kirlərə görə tutulur, beləliklə injektorlar lazım olan yanacaqla təmin olunmadığı üçün silindirlərə yanacaq çatmır və gücdən düşür, hətta neytralda belə boğulma-titrəmə yaradır. Bu titrəməyə klapanların deformasiya olması da səbəb ola bilir. Çünki bu halda motor hava qaçırır və titrəmə baş verir.
"Qluşitel"dən çıxan qara tüstü yanacağın çox daxil olduğunu və ya şamlarda problem olduğunu göstərir. Şamların uc hissəsi qara qurum ilə örtülübsə yanma otağına gedən yanacaq çox, daxil olan hava az deməkdir. Belə olanda ilk olaraq hava filterinin tutulub tutulmadığını yoxlamaq lazımdır. Qara qurum ilə birlikdə həddən artıq küllənmə olubsa deməli yağ və yanacaq içindəki qatqı maddələri motora zərər verir.
Dizel motorlarda isə gücdən düşmə çox vaxt Turbo sistemi ilə əlaqəlidir. Turbo sistemində havanın sürət-təzyiq dəyərini ölçən sensor var. Bu sensor nasazladığı zaman motor gücdən düşər və qap-qara tüstü buraxmağa başlayar. Yüksək təzyiq pompası yanacaq sistemindəki kirli tullantılardan mənfi təsir alır və sistem içindəki təzyiq-püskürtmə nisbətini oxuyan beyinə siqnal göndərən detal zərər görür. Nəticədə avtomobil heç işləməyə də bilər. Gücdən salan digər bir problem isə 7-8 ildir istifadə olunan hissəcik filterinin tutulması ilə yaranır.

Tarix: 9 Jan 2022 | Baxılıb: 557

Ümumi

Çip tuninqin faydaları və zərərləri

Turbolu avtomobillərə tətbiq edilən, at gücü artırılması növü çip tuninqlə bağlı çoxlu suallar var. Bu məqalədə onun hansı avtomobillərdə istifadə olunduğundan, növləri, mənfi və müsbət cəhətlərindən bəhs edəcəyik. İstehsalç

İstehsal tarixi yazılmayan akkumulyator almayın!

Mühərrikin ilk növbədə start götürə bilməsi üçün enerji mənbəyi kimi akkumulyator önəmli faktordur. Bəs akkumulyator alarkən nələrə diqqət etmək lazımdır?. Telefonlarda 300 mah, 400 mah güclü batareyalar olduğu kimi, avtomobillərd

Faraları necə parlatmaq olar?

İllərin təsiri nəticəsində fara şüşəsi xoşagəlməz vəziyyətə düşə bilir və ya avtoyumadan sonra içində buğlanma yaranır. Usta yanına getmədən özünüz onu bərpa edə bilərsiniz. Əvvəlcə sumbata kağızı (şkurka) alıb faranı sürtmə

Bokser mühərrikin "V" tipli mühərrikdən fərqi

Bokser, yəni B6 mühərrik. Bokser mühərrikin patenti ilk dəfə 1896-cı ildə Karl Benz (Mercedes-Benzin yaradıcısı) tərəfindən alınmışdır. "V" tipli mühərrikdən fərqi, mərkəzdə yerləşən ana blokun hər iki istiqamətd

Sürətli gedərkən avtomobilin şüşələrini bağlayın!

Açıq şüşələr 100 km/s sürətdə 4% əlavə yanacaq yandırır. Sürəti 110-a qaldırdığınızda bu rəqəm 10% olur. Çünki salona dolan hava avtomobildə paraşüt təsiri yaratdığı üçün motor həmin sürəti stabil saxlasın deyə, əlavə yanaca

Yanacağa necə qənaət etmək olar?

Sürücülər yanacağa necə qənaət edə biləcəyini bilmək istəyir. Bəs yanacağa qənaət etmək üçün nələri etməliyik?. Texniki baxımları vaxtında edin. Yanacağa qənaət edə bilmək üçün ən vacib ünsür avtomobilin texniki vəziyyətini

Maşın alanda diqqət etməli olduğunuz məqamlar!

Almaq istədiyiniz avtomobilin motorunu və salonunu təmiz görən kimi əsla avtomobilə vurulub aldanmayın. Maşın sizə 0 km kimi görünə bilər. Çünki rahat satılması üçün ona tətbiq edilməyən kimyəvi maddə qalmayıb. Satıcı avtomobili

İkinci əl avtomobil alarkən nə etməli?

Əvvəlcə internetdə görüb bəyəndiyiniz bir avtomobilin vəziyyətini soruşmaq üçün sahibinə zəng edərkən "satışa qoyduğunuz avtomobil üçün narahat etdim" deyin. Avtomobili satan adam əgər avtomobil ticarəti ilə məşğu

Faraların düzgün nizamlanma qaydası

Bir çox sürücünün farası nizamsız olduğu üçün işığı əyri vurur. Misal üçün avtomobil var ki, faraları biri aşağı, digəri yuxarı vurur. Piyada vurma hallarının bir səbəbi də düz vurmayan faranın yolu yaxşı göstərə bilməməsində