Çip tuninqin faydaları və zərərləri
Turbolu avtomobillərə tətbiq edilən, at gücü artırılması növü çip tuninqlə bağlı çoxlu suallar var. Bu məqalədə onun hansı avtomobillərdə istifadə olunduğundan, növləri, mənfi və müsbət cəhətlərindən bəhs edəcəyik.
İstehsalçı şirkətlər motorun uzun müddət istifadə olunması üçün ən optimal güc aralığını təyin edirlər. Bu həm də istifadə olunacaq yanacağın ən yaxşı ortalamada yandırılacağını göstərir. Avtomobilinin standart gücündən narazı olan sürücülər daha çox güc və dövr almaq üçün çip tuningə baş vururlar.
Çip tuning nədir? Çip tuning motorun ECU (electronic control unite) sisteminin proqramının dəyişdirilərək əldə edilən güc növüdür. Bunları etmək üçün təbiki avtomobilin buna uyğun olması lazımdır. Sadəcə motorun gücünü artırmayan bu yöntəmlə motor gücünü istədiyiniz səviyyədə aşağı düşürə bilərsiniz. Bu iş professional şəxslər tərəfindən edilməlidir. Bir çox sürücü çip tuninqə müsbət yanaşsa da, "təhlükəli və lazımsız" bir şey kimi baxanlar da az deyil.
Motora necə tətbiq edilir? Öncə motorumuzun buna uyğun olub-olmadığını öyrənməliyik. Bəzi motorlar bu əlavə gücə dözməyə bilər. Avtomobilin beyni xüsusi kabel ilə kompüterə qoşulur. Avtomobilin ilk motor çıxış məlumatları sənəd şəklində başqa yerə qeyd edilir. Bundan sonra mütəxəsislər artırıla biləcək güc haqqında sizə yeni rəqəmləri təqdim edirlər. Tamamilə yenilənmiş beyin paketi avtomobilə yazılır. Artırılan güc nəticəsində motora daxil olan hər şeyin miqdarı artacaq. Yanacaq sərfiyyatının azaldılması üçün çip tuninq ilə motor gücünü aşağı düşürənlər də olur. Mobil telefon ilə də idarə edilə bilən bu sistemdə ehtiyac duyulduğu zaman normal, sport və ya yarış rejimlərinə keçə bilərsiniz.
Mənfi və müsbət cəhətləri nələrdir? Yuxarıda da qeyd etdiyimiz kimi, motorun ömrünü uzadan və ya əksinə ömrünü qısaldan tətbiq kimi baxanlar var. Mütəxəssislər isə "normaldan daha çox güc motorun sağlam işləməsinə təsir edə bilər" deyirlər. Yəni 200 HP olan motoru biz 450 HP etsək, əlbəttə, motor bloku və digər hissələr buna dözməyəcək, nəticədə motor partlayacaq. Hər şeydən əvvəl ECU sisteminə edilən bu dəyişikliklərin nə qədər riskli bir şey olduğunu bilmək lazımdır. Çünki "ən ucuz çip tuninq" adı altında edilən bu dəyişiklik beyinə zərər verdiyi üçün motoru riskə salır. 10%-40% arasında güc artışını məsləhət bilən mütəxəsislər tuningin Turbo motorlarda daha çox effekt verdiyini deyirlər. Güc artışı ilə eyni zamanda yanacaq qənaəti istəyənlər üçün xüsusi hazırlanmış proqramların ECU sisteminə zərər vermədiyi deyilir.
Güclü avtomobildə çip tuning ilə əlavə gücü verməklə yanacaq sərfiyyatı artırsa, 1.5 motor 100 HP 1.6 ton ağırlığı olan avtomobilin 140 HP gücə qaldırılması sərfiyyatı azaldacaq. Çünki 1.6 tonu dartıb aparmağa 140 HP çətinlik çəkməyəcək və daha az yanacaq tələb edəcək. Bu halda motorun ömrü qısalmır, əksinə uzanır. Çünki daim təzyiq altında işləmir.
Çip tuninq benzin və dizel motorlarda tətbiq edilir. Ancaq motorun turbolu olması lazımdır. Performansı zəifləyən turboya, porşen və dirsəkli valı nasaz olan motora tətbiq edilməsi məsləhət görülmür.
