Avtomobil ehtiyat hissələrinin qiymətləri
Avtomobil üçün ehtiyat hissəsi alarkən sürücülərin ilk verdikləri sual ehtiyat hissələrinin qiymətləri ilə bağlı olur. Hansı avtomobil markalarının ehtiyat hissələri daha ucuzdur?
Azərbaycanda istehsal edilən avtomobillərin ehtiyat hissələrini nisbətən daha ucuz almaq mümkündür. Khazar avtomobili Azərbaycanda istehsal edildiyi üçün onun ehtiyat hissələri daha münasib qiymətə təklif olunur. Həmçinin Naz Lifan markalı avtomobillərin də ehtiyat hissələri digər avtomobillərin ehtiyat hissələrinə nəzərən ucuzdur.
Bəs hansı avtomobil markasının ehtiyat hissələri bahadır? Azərbaycandan kənarda istehsal edilən bütün avtomobillərin ehtiyat hissələri bahadır. Buna səbəb markanın qiymət siyasətidir. Ehtiyat hissənin ölkəyə gətirilməsində ortaya çıxan xərclər də təbii ki, qiymət artımına səbəb olur. Əsas da Avropa ölkələrində istehsal edilən avtomobillərin ehtiyat hissələrinin qiyməti yüksək olur. Belə avtomobillərə misal olaraq BMW, Mercedes, Volvo və Audi markalarını qeyd edə bilərik.
Təbii ki, ehtiyat hissələrinin qiymətləri ehtiyat hissəsinin tək markasına görə deyil, növünə görə dəyişir. Məsələn, avtomobil sükanı avtomobilin mühərrikinə aid olan hissələrdən daha ucuz olur.
Sub-industry adlanan alt sənaye, yəni orijinal olmayan, amma orijinala yaxın keyfiyyətdə istehsal edilən ehtiyat hissələri də var və bunlar adətən orijinal ehtiyat hissələrdən daha ucuz olurlar. Orijinal ehtiyat hissələrin istehsalından öncəki mərhələsində – məshulun maksimum istifadəyə yararlı, keyfiyyətli olması üçün edilən araşdırma və testlər üçün ayrılan büdcə yekun qiymətə təsir göstərir.
Alt sənaye məhsullarının istehsalında isə bu qədər araşdırma edilmədiyi üçün keyfiyyəti az olur. Həmçinin qiymətinin də aşağı olmasına təsir göstərən səbəblərdəndir.
Qiymət fərqi həm də materiallara görə dəyişir. Orijinal ehtiyat hissələrin materialları ilə alt sənaye istehsalının materialları arasında çox fərq var. Bu da özlüyündə orijinal ehtiyat hissələrinin qiymətinin baha olmasına səbəb olur.
