Avtomobilin dizaynını dəyişən təkər qapaqları

Avtomobilin dizaynını dəyişən təkər qapaqlarıTəkər qapaqları (kalpak) avtomobilin dizaynını dəyişən dekorativ aksessuardır. Eyni zamanda, kalpak təkəri qar, toz və çınqıldan qoyuran avtomobil hissəsidir.
Avtomobiliniz üçün uyğun təkər qapaqları axtarmağa başlamazdan əvvəl onların dizayn xüsusiyyətlərini anlamalısınız. Dizayndan asılı olaraq kalpaklar əyləclərin daha yaxşı havalandırılmasını və ya disklərin çirkdən daha yaxşı qorunmasını təmin edə bilər. Açıq tip və qapalı tip olmaqla iki cür təkər qapaqları tapmaq mümkündür.
Açıq başlıqlarda əyləclərdəki havalandırmanı yaxşılaşdırmaq üçün böyük, yaxşı dizayn edilmiş hava boruları var. Əsas dezavantajı odur ki, belə kalpaklar toz, çınqıl və bu kimi çirklərə qarşı qorunması zəifdir. Bundan əlavə, açıq başlıqların sökülmədən təmizlənməsi daha çətindir. Açıq başlıqlı kalpaklar da sedanlar və idman avtomobilləri üçün ayrı olur. Bu fərqlilik ilk növbədə başlıqların dizaynı ilə əlaqədardır. İdman üslubunda olan avtomobillər "aqressiv" dizayna, digər modellər isə hamar dizayna sahibdirlər.
Bütün qapalı modellər təkəri çirk və tozdan tam qoruyur. Lakin havalandırma ilə bağlı bu sözü demək olmur. Çünki bəzi modellərdə qapaqlar təkərləri, demək olar ki, tamamilə örtdüyü üçün ventilyasiya təmin edilmir. Həmçinin qapalı kalpaklar təkərdəki qüsurları gizətmək istəyən sürücülər üçün də yaxşı seçimdir.
Avtomobilinə uyğunluğuna görə təkər qapağı iki cür olur: universal və konkret modelə uyğun. Xarici görünüşcə hər iki təkər qapaqları, demək olar ki, eynidirlər. Amma iş görmə mexanizminə və materialına görə fərqləri var. Keyfiyyətli kalpak almaq üçün hər iki növ təkər qapaqları yaxşı tanımaq və xüsusiyyətlərini bilmək lazımdır. Universal olan təkər qapaqları yalnız radiuslarına görə seçilirlər. Belə təkər qapaqları geniş təkərlərə uyğundur. Qiyməti də uyğun olan universal təkər qapaqları müxtəlif rənglərdə olur.

Tarix: 9 Nov 2021

Ümumi